Ddydd Sadwrn 29 Chwefror a dydd Sul 1 Mawrth, bydd canol y ddinas yn dathlu Dydd Gŵyl Dewi. Mae gŵyl ‘Bwyd a Diod Croeso’ yn dathlu pob peth Cymreig gan gynnwys bwyd, barddoniaeth, cerddoriaeth a chelf.
Gan ei bod hi’n gartref i beth o’r cynnyrch gorau yng Nghymru a seigiau blasus, byddwn yn canolbwyntio ar fwyd ym Marchnad Abertawe!
Ddydd Sadwrn 29 Chwefror, byddwn yn croesawu pen-cogyddion proffesiynol i ganol y farchnad ar gyfer arddangosiadau coginio a sesiwn Holi ac Ateb. AM DDIM lluniau Dydd Gŵyl Dewi & peintio wynebau!
Dewch i ymuno â ni!
10.15am: Colin Lewis Cafodd Colin Lewis ei fagu yn Oxwich ac roedd yn dwlu ar granca a choginio pice ar y maen wrth fwrdd y gegin. Ar ôl gweithio fel pen-cogydd yn yr Awyrlu Brenhinol, dychwelodd i Gymru, a bu’n gweithio yng Ngwesty Fairyhill a nifer o fwytai nodedig eraill yn Abertawe. Mae bellach yn Ben-cogydd ym mwyty The Cliff yn Southgate, a bydd Colin yn ymuno â ni i ddangos ei sgiliau i ni. |
11.15am: Helen Wilson, Pen-cogydd Feganaidd Mae’r pen-cogydd bwyd a wnaed o blanhigion Helen Wilson wedi treulio’r 12 mlynedd diwethaf yn hyrwyddo, yn dysgu ac yn creu bwyd feganaidd. Roedd Helen yn ben-cogydd yng nghaffi feganaidd cyntaf Abertawe, Urban Zen, ac mae’n paratoi ar gyfer agor y drysau i’w bar coffi feganaidd ei hun ym Mrynmill, Abertawe. |
12.15pm: Nerys Howell, Ymgynghoriaeth Bwyd Howell Mae gan Nerys flynyddoedd o brofiad o weithio yn y diwydiant bwyd, diod a lletygarwch. Mae’n awdur ‘Cymru ar Blât‘ – llyfr dwyieithog sy’n cynnwys rysetiau traddodiadol a chyfoes ar gyfer cynnyrch Cymreig ac mae’n dod â thraddodiadau, ffyrdd o fyw a choginio Cymreig yn fyw. |
1.15pm: Siân Day a Rob Bowen, cystadleuwyr rownd gynderfynol My Kitchen Rules ar Channel Roedd Siân a Rob, o Abertawe, wedi cynrychioli Cymru’n wych ar y sioe yn 2017. Wrth gael ei chyfweld am y sioe, meddai Siân, “Wrth iddynt ffilmio ein stori gefndir, aethom i Fae Caswell, Parc Gwledig Dyffryn Clun a Marchnad Abertawe, sy’n agos at fy nghalon. |
2.00pm: Matt
Pritchard, llyfr ‘Dirty Vegan’ Sesiwn Holi ac Ateb Cyflwynodd cyn-gyflwynydd y rhaglen deledu gwlt ‘Dirty Sanchez’, Matt Pritchard, rhaglen goginio feganaidd gyntaf y BBC ac ysgrifennodd lyfr i gyd-fynd â hi. Mae ‘Dirty Vegan’ yn ddathliad llawen o fwyd lliwgar a wnaed o blanhigion sy’n llawn blas, ac mae’n dangos mor rhad a hawdd yw coginio bwyd feganaidd. Dewch draw a byddwch yn siŵr o gael cyngor ac awgrymiadau gwych! |
3.00pm: Ragsy Mae Ragsy, y canwr, y cyfansoddwr a’r cyflwynydd a gyrhaeddodd rownd derfynol ail gyfres The Voice, yn dwlu ar fwyd ac mae ganddo obsesiwn â bwyd Cymreig a phob peth Cymreig. Mae’n berchen ar dros 150 o lyfrau coginio Cymreig (ac mae’n dal i gyfri!) a bydd yn creu rhywbeth sy’n werth aros amdano. |